Ta Hà Nội, Bộ Nông nghiệp n’hanh Môi trường, Bộ ƀư hop họp báo mbơh ăp nău kan nkah ndray 80 năm Nar way ơm n’gâng kan tuch tăm mât rong n’hanh ntŭk gŭ rêh (1945 - 2025) n’hanh Đại hội Tâm rlong rŏng dak lor bôk năp. Tĭng trong nchrăp bah Bộ Nông nghiệp n’hanh Môi trường, rêng kan nkah ndray 80 năm ƀư ntơm bah khay 7 tât khay 12 năm 2025, đah âk nău kan chính trị, rêh jêng kon nuĭh, văn hóa geh nkô̆ hôr jru.

Đah trong rƀŏng “Nău way ơm- rgâl mhe- hun hao- nâp dăng”, Lễ nkah ndray 80 năm n’gâng kan  tuch tăm mât rŏng n’hanh ntŭk gŭ rêh mô dơn lah rnôk nkah gĭt ăp rơh kơn hŏ n’groh an suan rhal, ma hôm lah n’gâng ntơm pơk luh rơh hun hao mhe – rƀŏng tât nău kan tuch tăm nđĭr uĕh, thôn ƀon têh uĕh mhe, ƀon lan kan lŏ mir ăp tŏng nău gĭt blău, nkre đah mât dŏng n’hanh njrăng uănh tơm ndơ mpêt khlay- bri dak neh ntu geh nău tam, jŏ jong. Ntik n’hao nău way ơm 80 năm chrat ang, lam n’gâng kan ntrôl dăng tay tâm  rlong rŏng dak, rgâl mhe nău mĭn mât dŏng khoa học - công nghệ, rgâl mbrô, rgop rdâk njêng neh dak geh ndrŏng, nđĭr uĕh n’hanh rhơn răm, tĭng ƀư jêng ngăn ngăn nău nđơr wơl geh “Việt Nam dăng janh, têh ndrŏng, nđĭr uĕh n’hanh nâp dăng.”