Ôi nđaơ 2/9 ta Quảng trường Ba Đình lịch sử, Ban Chấp hành Trung ương Đảng Cộng sản Việt Nam-Quốc hội-Kruanh dak-Chính phủ dak Cộng hòa xã hội chủ nghĩa Việt Nam; Ủy ban Trung ương Mặt trận Tổ quốc Việt Nam n’hanh nkual ƀon têh Hà Nội ƀư “Nkah gĭt 80 năm Cách mạng khay 8 lôch uĕh (19/8) n’hanh Quốc khánh dak Cộng hòa xã hội chủ nghĩa Việt Nam (2/9)”. Răk samƀŭt rhŏ nău ta nar ƀư, Tổng Bí thư Tô Lâm nkoch kloh, Trong hăn rlău 80 năm âk njê rngot yơn têh dăng, he lĕ mĭn lah nău di: bah dâng chông cờ vinh quang bah Đảng đah uĕh ang Hồ Chí Minh sol trong, nsĭng tâm soan dăng nuĭh ƀon lan n’hanh nău tâm rlăp lĕ rnoi nuĭh, mô geh jêr jŏt, ntŭl rlong ma nuĭh ƀon lan he mô rlet rlău; mô geh nău rƀŏng prêh uĕh ma rnoi nuĭh he mô geh nău rƀŏng tât.

Jêh gưl răk rhăch nău bah Tổng Bí thư Tô Lâm, nar ƀư đah bôk nău kan diễu binh, diễu hành nkah gĭt 80 năm Cách mạng khay 8 lôch uĕh (19/8) n’hanh Quốc khánh dak Cộng hòa xã hội chủ nghĩa Việt Nam 2/9 đah tât râng bah nklăp 30.000 nuĭh, tâm nĕ geh ăp rmôt vũ trang, ƀon lan n’hanh rmôt diễu binh bah ăp dak kuăl jă geh Trung Quốc, Nga, Lào, Campuchia. Ƀư nkah gĭt du tơ̆ tay mĭn lah nuih n’hâm Cách mạng khay 8 n’hanh Quốc khánh Cộng cộng hòa xã hội chủ nghĩa Việt Nam; gay nuih n’hâm nĕ mro mrăng lah nău ntô̆ n’hao, lah n’hâm soan ntrôl ƀon lan Việt Nam nthoi tay nuih n’hâm têh, mpŏng ŭch đăp mpăn-dah rŏng-uĕh lăng bah u che, rgum nău mĭn janh dăng, rgâl mhe têh, mĭn ƀư mhe mô rlu, nsrôih dŭt n’hâm ndâk njêng du Việt Nam hun hao lĕ rngôch, nâp nâl tâm rach năm mhe-rach năm hao êng nơm bah rnoi nuĭh Việt Nam.