Ta Hà Nội, Bộ Quốc phòng ƀư Nar mbơh n’hanh ndơ̆ n’glêh an bah Kruanh dak mpeh pah kan cán bộ. Tĭng n’glêh an bah Kruanh dak, wa Lương Đình Chung, Bí thư Đảng ủy, Chính ủy Quân khu 5 dơi ntăm n’hao grat bah Đại tá hao Thiếu tướng. Ntơh măt Quân ủy Trung ương, Bộ Quốc phòng, Đại tướng Phan Văn Giang ndơ̆ n’glêh an, an kao si mbah rhơn Thiếu tướng Lương Đình Chung.

Nău wa Lương Đình Chung dơi n’hao grat Thiếu tướng mpơl nău nchih nkah, uănh năl bah Đảng, Ngih dak n’hanh mpôl tahen đah ăp nău n’groh an, suan rgop têh bah păng tâm rnôk  pah kan, lơn lah tâm trong rđău đă, rdâk njêng mpôl tahen Quân khu 5 nâp dăng lam lĕ rngôch “ntĭt leo lor, ntoh lư”, rgop tâm n’gâng kan rdâk njêng mpôl tahen ƀon lan Việt Nam hăn chŏl lor, glêh tam, đăng hăr, têh dăng mhe, mât njrăng nâp neh dak Việt Nam xã hội chủ nghĩa.