Đại hội đại biểu Đảng bộ n’gor Gia Lai rơh bôk năp, năm kan 2025-2030 ƀư bah 2-4/10, đah tât râng bah 650 đại biểu, geh 450 đại biểu na nê̆ n’hanh 200 năch jă. Đại hội rgum n’glôch jêh nău ƀư tĭng Nghị quyết năm 2020-2025, mĭn nău rƀŏng, nău kan, trong mkra an lvang 2025-2030; nkre rgop nău an dự thảo Văn kiện Đại hội 14 bah Đảng.

Dôl uănh ngăn, Đại hội rơh aơ mô săch gưl ủy khóa mhe ma yor N’gâng kan Chính trị ntĭm. Đah bôk nău: “Ndâk njêng Đảng bộ n’hanh trong chính trị kloh uĕh, nâp dăng; mât uĕh văn hóa, soan dăng tâm rnglăp lam ƀon lan; mât nâp bri dak, rnă njrăng; ntrôl dăng khoa học, công nghệ; rgŏ jă ăp nuĭh ndâk njêng Gia lai hun hao ndrŏng”, n’gor geh nău rƀŏng GRDP hao 10-10,5%/năm, GRDP rĭng bôk nuĭh geh 6.300-6.500 đôlar; tât năm 2030, sŏk an tơm prăk rlău 41.000 rmen prăk.