Âk nău kan tâm rlong lĕ jêng nău ntoh ang, trĕ lam têh dăng tâm nău rêh jêng. Nău kan “lam dak nsum ti rdâk njêng nkual ƀon lan mhe” đah 26 xã geh tam di nău mpŏng, 4 xã geh tâm di nkual ƀon lan mhe hao prêh, rlău 760 ntil ndơ OCOP, tâm nĕ geh 2 ntil ndơ 5 sao. Nău kan “Yor an nuĭh ach o- mô an nklơi tay du hê nuĭh ba kơi” ntop ndŏ rnoh ach o nkual ƀon lan rnoi đê̆ hŭch hôm 9,7%. Nău kan “cán bộ, công chức, viên chức tâm rlong ƀư tĭng văn hóa ta ntŭk kan” n’hanh “ƀon lan nti nău kan rnoh mbrô” lĕ geh ntrôl dăng têh dăng rgâl mhe rnoh mbrô tâm lĕ tring kan hành chính, lĕ rngôch nău kan hành chính geh ƀư ta điện tử da dê.

Wa Tạ Anh Tuấn- kruanh UBND n’gor Đăk Lăk, Kruanh Hội đồng tâm rlong nkhôm rnê n’gor lah na nê̆, aơ lah Đại hội tâm rlong rŏng dak bôk năp bâh n’gor lôch lăp kan ndrel, geh nău khlay ngăn mpeh chính trị na nê̆, mpơl nău kan bôk năp an rơh hun hao mhe- mô dơn tâm rlong tâm ăp trong kan, ma hôm nha lah nău tâm rlong rgâl mhe nău mĭn mât uănh n’hanh ndâk nsơm nău ŭch hun hao bâh nuĭh ƀon lan.