UBNB n’gor Dak Lak mhe an samƀŭt ntĭm rđău ndal nkra khuch khat mih dak bŭk, đăp mpăn nău rêh nuĭh ƀon lan. Dôl uănh, n’gor đă ăp ntŭk jêh nkra jay djơh bah năp lơ 30/11; pă dăp ntŭk gŭ manh lor đăp mpăn n’hanh ndâk ƀư mhe, ntŭk gŭ mhe ăp rnăk geh rlâm, klôn rdu jay bah năp 31/1/2026.

Tĭng samƀŭt njuăl, mih lĕ hŭch, dak lĕ soăt; ăp ntŭk an tĭng bah dâng, ngăn lah nkual tă dak băm jru, nkhah êng, gay gĭt nu nău n’hanh mbơh ƀư ăp nău kan nkra đah nuih n’hâm ngăch, săk rnglăy. Kơl lor bôk năp lah gĭt tât lĕ rngôch ăp rnăk geh nkhah êng, ndơ̆ kơl ndal ndơ sông sa, dak ngêt, ndơ dŏng; mô an geh nuĭh ƀon lan ji ngot, ji kăt. N’gor Dak Lak rgŏ jă rmôt tahen, công an, đoàn viên druh ndăm n’hanh nuĭh ƀon lan mpê̆ koăih kloh ngih wâl, ngih samƀŭt, ngih dak si, trong hăn; ơm nkra điện, dak, viễn thông. Ăp ntŭk an kơp uănh na nê̆ khuch khat; wơt dơn n’hanh tâm pă ndoh ndơ ntop kơl kloh rah wah, tâm ban, di nuĭh.