UBND n’gor Dak Lak ƀư hop ndal an ƀư ăp trong rdâng lơh đah phŭt mbrô 13 n’hanh mih dak bŭk ta n’gor. Ƀư tơm rơh hop, Kruanh UBND n’gor Tạ Anh Tuấn đă grêt dăch nău tât trôk nar lơh, mât uănh đăp mpăn n’glău n’gâr dak, kơp uănh duk mpan n’hanh rgum mpôl nuĭh kan ta ntŭk, mô dơi an geh ndrât ndal. Tĭng  Đại tá Nguyễn Văn Lĩnh, 6h ôi 5/11, Tahen n’har bri n’gor hŏ n’gluh an nchih mpăng gay đăp mpăn an ƀon lan lơh joi ka n’hanh duk mpan.

Ndrel nău mât uănh rsong hăn ta dak lêng, ăp n’gâng kan n’hanh ăp ntŭk dôl rgum ra uănh tay, ăp ntŭk ƀon lan gŭ rđŭng dêh, nkual geh ma nău pĭch rlâm, lor nchrăp trong ntrơn du, đăp mpăn nâp uĕh dak bât n’hanh ndơ dŏng khlay. Mpôl công an, tahen, lor njrăng n’gang trôk nar lơh xã gŭ kâp, nchrăp ntop kơl nuĭh ƀon lan, lơn lah ta ăp nkual jêr jŏt geh ma nău khan yơt êng lah ntoh mih têh. Wa Tạ Anh Tuấn, Kruanh UBND n’gor Dak Lak đă n’hao rnoh nkah njrăng lor, an ƀư trong rƀŏng “4 ta ntŭk”, mô dơi uănh lhơ.