Kêng măng lơ 23/10, ta rơh rƀŭn nchră tal 2 rnâng kan way kan n’gor Ủy Đăk Lăk, Bí thư n’gor ủy Lương Nguyễn Minh Triết lah na nê̆ uănh năl nău kan tơm khlăy, nchŏng mbơh âk nău rgâl mhe bâh năm kan 2025-2030. Mbơh tơih ta rơh rƀŭn nchră an saơ, bâh bôk năm tât aƀaơ, GRDP bâh n’gor hao bơi tat 7%, lĕ rnoh prăk geh tăch ndơ đah dak bah dih geh rlău 2,3 rmen đôlar, hao 37% đah khay aơ năm e. Lĕ nău geh tơm prăk geh bơi tât 13 rbăn rmen prăk, dah 97% nău kan Trung ương pă jao. Rnâng kan way kan n’gor Ủy dơn ngoăy rdâk njêng bôk nău pah kan bâh Đại hội tĭng 6 nău kloh na nê̆, kloh nkô̆ nău, kloh nău kan, kloh nuih kan, dơn kan, ƀư na nê̆ mông nar n’hanh gĭt na nê̆ tu tơm. Bí thư n’gor Ủy Đăk Lăk đă ăp ntŭk kan ngăch ndăn ƀư lôch  nău rgâl nchrăp kan bâh n’gor, uănh nđôi na nê̆ rnoh nău nchrăp kan ƀư lor, rnoh prăk kan. Tâm nĕ, hun hao trong kan mât trong hăn bri- dak lêng rgŏ quốc lộ 29 geh uănh năl lah nău kan tơm khlăy, geh nău ntĭt bâh năm kan.