Lơ 18/5 ta ntŭk nkah ơm yau bah neh dak Ngih ôp brah Wa Hồ, xã Vân Hoà, n’gor Dak Lak ƀư nau leo nkao, mpoh kthup di nkah 136 năm nar deh Kruanh Hồ Chí Minh. Râng nar rgum geh rđau kan mhe, rđau kan ơm bah n’gor ndrel âk mpưm cán bộ, ƀon lan ăp xã Vân Hoà, Sơn Hoà ndrel Tuy An Nam. Tâm nar rgum, ăp ntoh măt nkah tay nau rêh, nau kan ndrel nuih n’hâm kan têh dăng bah Kruanh Hồ Chí Minh đah nau kan rklaih rnoi mpôl, nkre lah rjăp nau nsôih ndâk njêng Đảng bộ kloh, nâp dăng, ntrŭt dăng nau hun hao văng sa, rêh jêng ngăch ndrel nâp nâl.

Jêh rnôk mpoh kthup, ăp ntoh măt râng nau hăn tăm tơm si, mêt uănh tâm ntŭk mpla n’hơ ăp ntil săm ƀŭt khlay bah nau rêh, nau kan bah Kruanh Hồ Chí Minh tâm ntŭk ƀư nkah Ngih ôp brah Wa Hồ. Rnôk aơ hôm geh âk nau kan njroh mprơ, tâm n’ur nau ơm, nau mhe ueh rhŏ ân ƀon lan tâm ntŭk./.