Tĭng Nghị quyết, nău âk rnoh prăk ntuh kơl nsum bâh tơm prăk ta ntŭk hŭch bâh rlău 7.201 rmen prăk jur hôm rlău 6.686 rmen prăk, nĕ lah hŭch tât 515 rmen prăk. Rnoh hŭch dŭt âk tât đah ăp nău kan dŏng rnoh prăk geh bâh neh ntu, rlu pă prăk  an rnoh hun hao neh tâm năm 2025 n’hanh koh n’huch ăp nău kan mô hôm geh nău ŭch pă prăk. N’gor lĕ geh nău kan njêng tay rnoh nuĭh kan tĭng trong an lor pă tay an rlău 167 rmen prăk an ăp nău kan lĕ geh dŏng, bơi lôch n’hanh ăp nău kan njêng an nău hun hao. Wa Cao Thị Hòa An, Kruanh HĐND n’gor Đăk Lăk đă UBND n’gor n’hanh ăp ntŭk kan an geh hun hao, ƀư tĭng gay ma ntrôl an hun hao lĕ rnoh ndơ ta ntŭk năm 2025 tĭng nău mpŏng kan Trung ương jao an, nkre lah đă ăp ntŭk kan ƀư tĭng răng dăng nău ntuh kơl nsum, ndrel đah nău dơn kan bâh nuĭh leo bôk năp đah nău geh pă prăk.