Lôch rơh mpôch dŭt ôi 1/10, Ban Tổ chức Đại hội Đảng bộ n’gor Dak Lak lor bôk năp, năm kan 2025 – 2030 hŏ ƀư hop báo mbơh lôch jêh pah kan. Tâm 3 nar, Đại hội geh 5 siƀŭt mbơh dăn đă, 79 tơ̆ nău rgop tâm nchră, rgum tâm n’glôch jêh năm kan 2020 – 2025; uănh năl nău rđău kan bah Ban Chấp hành khóa ơm; ntrŏng rnoh tât kan, nău dơn kan, rêng đăt ndal an năm kan mhe; rgop siƀŭt nchrăp lor dăn đă Đại hội XIV bah Đảng; n’gluh an dŏng Nghị quyết n’hanh bôk nău kan.

Bí thư Tỉnh ủy Nguyễn Đình Trung lah rjăp, lôch bah kơi Đại hội, lam Đảng bộ mbra an ƀư Nghị quyết, rgum 8 rmôt trong nkra, 3 rêng đăt ndal, uănh khlay rdâk njêng Đảng, n’gâng kan, lam trong kan chính trị nâp dăng. Tâm nê, an lor rdâk njêng ntŭk ntô ndơ dŏng ntung trong, hun hao pâl nđaih, jêng ăp nkual, rkŭm pâl nđaih gay njêng suan ntrŭt ntrôl hun hao wăng sa- rêh jêng kon nuĭh n’hanh văn hóa bah n’gor.