UBND n’gor Dak Lak mhe ƀư tâm mâp măt di nkah Nar Doanh nhân Việt Nam năm 13/10. Lam n’gor rnôk aơ geh rlau 19.500 ntŭk kan dôl pah kan tâm ăp nau kan, âk ntŭk ƀư nau kan tăch rgâl hŏ tăch tâm dak ba dih, lah rjăp săk ntơ lư ndoh ndơ Dak Lak. Ndrel ăp nau kan ê nkra, tăch rgâl, rmôt nŭih ƀư nau kan tăch rgâl hôm nsôih râng nau kơl an, tât kơl tâm nkuăl mâp jêr. Ntơm bôk năm tât rnôk aơ, GRDP bah n’gor hao bơi tât 7%, tăch luh ndơ geh rlau 2,3 rmen đôla, tăch rai ndoh ndơ hao bơi tât 18%, ntŭk ntu ƀư nau kan tăch rgâl lŏ geh săk ntor, đah rlau 2.300 ntŭk kan geh ndâk mhe.

Ntoh nau tâm nar rƀŭn, Kruanh UBND n’gor Dak Lak Tạ Anh Tuấn kơp dơn nau rgop bah nsum mpôl ntŭk kan, ƀư rjăp n’gâng kan mra hăn ndrel, rgâl nau kan hành chính, ntrŭt dăng nau ntrơn rgâl mrô, njêng ntŭk kan kloh, nơih ân ntŭk kan hun hao. Rnôk aơ, UBND n’gor pă Bằng khen ân 18 rmôt ndrel 30 nŭih geh nau dơi blau ngăn./.