HĐND n’gor Dak Lak mhe mbơh an nghị quyết nău ntrŭnh ntuh kơl nău nchrăp ƀư n’hŭch ndŏk nja, rnoh prăk ntuh kơl rlău 468 rmen prăk, đah nău ŭch rgop n’hŭch đêt ndŏk nja yor bri n’hanh roh bri tă bah trong mkra ăp nkô̆ nău ƀư lŏ mir, bri n’hanh rdâng uĕh lơn đah rgâl trôk nar. Nău nchrăp ƀư mbra dơi ƀư ta 15 xă bah 4 nkuăl, geh M’Đrăk, Ea Kar, Krông Bông n’hanh Lắk. Nău nchrăp ƀư geh dĭng  rnoh prăk ntuh kơl nklăp 19,53 rkeh đôlar, tâm ban 468,73 rmen prăk, yor Prăk nkrem lam ntŭr neh mpeh hun hao lŏ mir n’hanh prăk nkrem trôk nar ntop kơl.

Nău rƀŏng bah nău nchrăp ƀư lah ntop kơl n’gâng kan ăp gưl ndơ̆ an ăp nău kơl na nê̆ ăp trong kan lam dak n’hanh rgop na nê̆ tâm trong kan ndâk ƀư n’hanh ƀư tĭng trong nchrăp n’hŭch duh ndŏk nja roh bri, hŭch bri n’hanh nsrôih ndâk nkra tay bri gay dơi rgâl joi nău rêh n’hanh n’hao nău wât nsum mpôl. Nău nchrăp moh săk tŏng ăp “N’hŭch duh ndŏk nja nkual Tây Nguyên n’hanh Duyên hải Nam Trung bộ Việt Nam gay rgop ƀư tĭng ăp nău rƀŏng bôk nău kan ƀư tĭng lam dak REDD+ta n’gor Dak Lak”, dơi ƀư tâm 3 năm (bah năm 2025 tât 2028).