Tổng Bí thư Tô Lâm lah na nê̆ tay nău ntrŭnh dơn ngoăy bâh Đảng, ngih dak n’hanh ƀon lan Việt Nam dŭt uănh khlăy n’hanh nsrôih ƀư lĕ nău kan dơi geh tâm nău dơi, ndrel đah Đảng, Ngih dak n’hanh ƀon lan Cuba mô rlu pơk hvi tay n’hanh ƀư kloh ueh tay lơn nău tâm boh tâm rnglăy way ơm, tâm rnglăp khlăy n’hanh tâm kơl lĕ rngôch Việt Nam- Cuba, yor nău geh ueh an ƀon lan 2 dak, yor nău kan rdâk njêng chủ nghĩa xã hội n’hanh yor nău đăp mpăn, ueh lăng, tâm kơl n’hanh hun hao ta lam ntur neh. Tổng Bí thư Tô Lâm nkah tay ăp nău ueh n’hanh nău khlăy dơi geh ta rơh tât khâl gâl ngih dak tât ta Cộng hòa Cuba bâh Tổng Bí thư, lah na nê̆ nău tâm ban gâl têh bâh nuĭh leo kan 2 Đảng, 2 ngih dak tâm mpeh ăp nău mpŏng kan n’hanh trong kan tâm kơl an lor, tuch tăm, ŭnh nar, tăch rgâl, công nghệ sinh học, nkre lah ntrôl nău tâm kơl kan na nê̆ ta ăp trong kan rnă njrăng, mât ngih dak, nchră nău đah dak bah dih n’hanh ăp nău kan tâm kơl đah ăp n’gâng kan, ăp gâl n’hanh ƀon lan 2 dak.