Lơ 7/11, nkhêp di râng Rƀŭn nchră gưl prêh Kan ndrel Tiểu vùng Mê Công pơk hvi rơh tal 8, Thủ tướng Chính phủ Phạm Minh Chính lĕ geh rơh rgum nchră đah Thủ tướng Trung Quốc Lý Cường. Ta rơh mâp, Thủ tướng Phạm Minh Chính mĭn lah hun hao tâm boh đah Trung Quốc lah nău ntrŭnh di, săch trong kan têh n’hanh kơl lor bôk năp tâm nău kơl tâm rnglăp nchră bah Việt Nam.

Mpeh trong kan ndrel năm tât, Thủ tướng Phạm Minh Chính đă 2 dĭng mbơh ƀư săk rnglăy tay nău wât nsum đah Kruanh gưl prêh ngăn 2 Đảng, 2 ngih dak, tâm mâp gưl prêh n’hanh ăp gưl tâm rgâl mpeh tâm boh ăp ding n’hanh ăp nău ndrel uănh. Đah ăp nău đă kan ndrel bah Việt Nam, Thủ tướng Lý Cường Mĭn lah Đảng, Chính phủ Trung Quốc uănh tâm boh đah Việt Nam lah trong hăn bôk năp tâm nău kơl tâm rnglăp nchră nău oh nô, ƀư jru lơn kan ndrel ngăn ngên, ndơ̆ tâm boh Kan ndrel têh hvi lĕ rngôch, Nsum mpôl tâm nkoch nău rêh rgŏ năp Trung-Việt geh nkô̆ nău khlay mô rlu hăn jru hvi, ngăn ngên.