Ta rơh pah kan, Tổng Bí thư Tô Lâm ndơn kan an nuĭh leo kan Đảng, Ngih dak njoăl nău rhơn ueh tât lĕ mpôl kan cán bộ, công chức viên chức nuĭh pah kan bâh n’gâng kan Tư pháp n’hanh n’gâng kan tư pháp ta lam dak. Gay ma neh dak nâp joat lăp rơh ta rơh hun hao mhe, ơm geh ƀư lôch nău dơi ăp nkô̆ mpŏng trong kan let năp ma Đảng ngluh mbơh, Tổng Bí thư Tô Lâm đă, tâm let năp tay n’gâng kan Tư pháp lah nsum n’hanh lĕ n’gâng kan tư pháp rgum rgâl mhe têh dăng tâm nău kan lập pháp tĭng nău dơi, nău kan geh pă jao, mpŏng tât nkô̆ ŭch hun hao bâh ăp luật lah: mât nău dơi n’hanh nău geh tâ di bâh êng nuĭh kan n’hanh ntŭk kan, mât n’hanh mât đăp mpăn ntŭk rêh jêng, ntrôl an hun hao wăng sa rêh jêng, mât đăp mpăn tâm ban n’hanh ueh lăng ta ntŭk rêh jêng, an tâm di đah nău ŭch hun hao bâh ntŭk rêh jêng, kloh rjăp n’hanh dơh geh gĭt dăch, nsĭt tay lĕ trong kan n’hanh na nê̆, ntop rdâk njêng nău rêh jêng ueh mhe, tâm di, hun hao.