Ăp ntŭk nklăch phiếu ơm geh pă dăp ta ăp xã Hoà Phú, Buôn Đôn, Ia Rvê, Ia Lôp n’hanh ăp phường Buôn Ma Thuột, Bình Kiến. Nuĭh tât râng kan lah cán bộ, tahen bâh n’gâng kan leo kan Tahen n’gor, tahen n’har bri n’hanh công an n’gor. Tâm rơh nklăch phiếu geh ƀư bâh 7 mông tât 19 mông măng lơ 14/3. Tâm nĕ, mpôl tahen n’har bri geh 8 ntŭk nklăch phiếu ơm ta ăp pôih tahen n’har bri n’hanh ntŭk kan way kan. Công an n’gor geh ƀư ta 2 ntŭk ta mbrô 58 Nguyễn Tất Thành n’hanh 457 Lê Duẩn, ăp ntŭk kan tahen geh ƀư ta ntŭk rƀŭn nchră Tiểu đoàn Bộ binh 303 n’hanh ăp ntŭk kan geh tât. Gay ma mât đăp mpăn nău nklăch phiếu ơm di nău ntrŭnh, mât đăp mpăn, ƀư tơm, Uỷ ban săch kruanh n’gor Đăk Lăk đă ăp ntŭk kan an geh rdâk njêng nău nchrăp kan na nê̆, uănh nđôi na nê̆ ăp nău pah kan geh nchrăp, ntrôl dăng mbơh tơih, lir rnoh săk mbơh nuĭh cử tri, mông nar n’hanh ntŭk nklăch phiếu. Mpôl kan công an ta ntŭk n’hao nău sŏk dŏng rnoh mbrô ngih dak mpeh ƀon lan gŭ, dŏng ứng dụng VNeID gay ma mbơh rnoh mbrô, rgâl uănh nău mbơh, der geh tih. Lam n’gor aƀaơ geh 2.118 rmôt săch kruanh ta 2.119 nkual nklăch phiếu ta 102 xã, phường. Nău leo ƀư nklăch phiếu ơm an mpôl tahen mpơl nău leo kan lor, blău kan bâh n’gor Đăk Lăk, nkre lah mât đăp mpăn nău dơi an ƀon lan cán bộ, tahen, nkre geh mât rnă njrăng, đăp mpăn, ntop ta nău dơi bâh rơh săch kruanh đaị biểu Quốc hội khoá 16 n’hanh HĐND ăp gưl năm kan 2026-2031.