Măng 26/11, n’gor Dak Lak rƀŭn đah ăp ntŭk kan ndrel ăp xã, phường nkuăl geh dak lip mpeh ba lơ gay ntrŭnh rđau ăp nau kan ndal gay rklaih khuch jêh dak bŭk lơh mhe rlau, nkre rdâng năn đah phŭt mrô 15 êp tât. Ndrel ma nau kan ndal tâm nau rklaih ntŭk ntu, rđau kan n’gor Dak Lak rđau leo ngăch phe kơl an bah Chính phủ tât đah nŭih ƀon lan, ntrŭnh ƀư máy trih dak, trạm pă dak kloh tât nkuăl ƀon lan; ndal rep kloh ntŭk ntu ngih săm ƀŭt, ngih dak si gay ăp ndoh ndưo dŏng aơ ngăch ngăn pah kan nâm ơm;

Rđau đă ân ueh nau kan kơl an bah ăp nŭih, ntŭk kan hăn kơl an tâm nkuăl dak lip, mô ân geh nau tât nkol trong hăn, khuch tât nau kan rklaih nau khuch bah dak lip lơh; ...Wa Tạ Anh Tuấn, Kruanh UBND n’gor Dak Lak lah rjăp: phŭt mrô 15 hŏ lăp tâm Biển Đông, n’gâng kan ăp xã phường nkuăl dak lip ân geh kơl an ƀon lan ân năn ndal, mô dơi ân ƀon lan mô geh ntŭk gŭ, mô dơi ân ƀon lan ji ngot, ji kăt. Nkre, ân nchrăp ƀư ăp nau kan, năn rdâng ma phŭt dak lip tâm ăp nau tât./.