Lơ 15/7, Uỷ ban MTTQ Việt Nam n’gor Dak Lak tâm rgop nsum ma Mặt trận tâm boh hun hao neh dak Campuchia n’gor Mondulkiri ƀư rơh rƀŭn lôch nau ƀư Nau nkah tâm boh nau kan lvang năm 2024-2026 ndrel nau nkah tâm boh kan nsum lvang năm 2026-2028 đah nkô̆ “Ndâk njêng trong n’har bri đăp mpăn, tâm boh, kan nsum ndrel hun hao”. Rơh rlau aơ, nau tâm boh kan nsum đah n’gor Dak Lak ndrel n’gor Mondulkiri mo nsrŭng geh ƀư nâp nâl ndrel hun hao, rgop ngăn tâm nau kan hun hao văng sa rêh jêng bah bar ding.

Lơh rdâng geh săk tam đah ăp phung tih dôih rloh rlau n’har bri, mât ƀư nâp nau dơi neh ntu ndrel nau ƀư tơm n’gâng n’har bah neh dak. Ăp nkô̆ nau tâm boh đah bar n’gor hŏ geh ntrŭnh ƀư du trong ueh rjăp, tâm ban ndrel geh nau jru. Ƀư ueh nau tă geh dơi, Dak Lak ndrel Mondulkiri hŏ ký nau nkah tâm boh lvang năm 2026-2028, n’hao lơn tay nau tâm boh ăp nau kan, rgop nau bun dăp nau tâm boh “neh dak tâm dăch ueh, tâm boh vay ơm, tâm boh ăp ntil, nâp nâl jŏ jong’ đah bar dak Việt Nam-Campuchia./.