Ntơm bah nar 29/9 – 01/10, ta phường Buôn Ma Thuột, Đảng bộ n’gor Dak Lak ƀư Đại hội Đại biểu lor bôk năp, năm kan 2025 – 2030. Râng Đại hội geh 449 đại biểu, ntơh măt an rlău 137.000 đảng viên tâm lam Đảng bộ n’gor Dak Lak.

Đại hội năm kan dja, Dak Lak rdâk njêng Nghị quyết đah trong rƀŏng “Tâm rnglăp- geh nău tâm ban- jăp tĭng- Đăt ndal – Hun hao”, n’gluh rnoh tât kan hun hao wăng sa rĭng 10,5%/năm, nsĭt geh ntuh kơl tĭng bôk nuĭh 153 rkeh prăk/nuĭh tâm năm 2030, rnoh âk rnăk ach o tâm nkual rnoi mpôl đê̆ hŭch nklăp 3%/năm; pah kan rdâk njêng Đảng n’glăp ntơm bah 3-4% đảng viên/năm, ăp năm geh rlău 90% mpôl kan Đảng tâm dâng, đảng viên dơi uănh năl, dăp ntil wat jêh uĕh nău kan let lơ…

Bah meng nău n’glôch jêh năm kan (2020 – 2025), n’gluh trong rƀŏng, nău dơn kan, trong nkra n’hanh n’gluh nghị quyết an năm kan 2025-2030, Đại hội mbơh ăp nău n’glêh an bah Bộ Chính trị mpeh nuĭh kan đă râng Ban Chấp hành Đảng bộ n’gor n’hanh Ban Thường vụ Tỉnh uỷ năm kan 2025 – 2030. Ta rơh nchrăp lor bah Đại hội Đảng bộ n’gor Dak Lak ƀư tâm kêng măng 29/9, Đại hội tâm ban ŭch sơch Mpôl kruanh lah 12 nuĭh n’hanh 3 nuĭh râng Rmôt thư ký.