Ôi (30/10), ta xă Ia Lốp, N’gâng kan Văn hóa, Thể thao n’hanh Pâl nđaih n’gor Dak Lak tâm rgop đah Ban Ntĭm rđău Tahen n’har bri n’gor ƀư Rƀŭn nchră nkoch trêng trong kan mbơh nu nău đah bah dih, nkoch trêng ƀư tơm n’har bri năm 2025.

Ta rƀŭn nchră, ăp đại biểu dơi mbơh rblang ăp nkô̆ nău khlay mpeh mât uănh ngih dak tâm nău ƀư mbơh nu nău đah bah dih, nkoch nkô̆ nău ăp bôk nău kan hun hao wăng sa rêh jêng nkual n’har bri, Luật N’har bri Việt Nam n’hanh ăp samƀŭt pháp quy mpeh ƀư tơm, neh ntu neh dak.

Wa Nguyễn Quốc Hiệp, Groi Giám đốc N’gâng kan Văn hóa, Thể thao n’hanh Pâl nđaih n’gor Dak Lak an gĭt, rƀŭn nchră lah rơh tiăr nti bôk năp tâm ton nău ƀư dơi ƀư ta 4 xă n’har bri geh Ia Lốp, Ia Rvê, Ea Bung n’hanh Buôn Đôn, gay n’hao săk rnglăy trong kan mbơh nu nău đah dak bah dih, ndâk njêng n’har bri lam ƀon lan nâp dăng, nta an hun hao wăng sa-rêh jêng n’hanh nâp nâl tâm rnglăp rnoi nuĭh ta nkual n’har bri Dak Lak.