Ôi 5/10, ta Di tích lịch sử Ntŭk ndâk njêng Chi bộ Đảng Cộng sản bôk năp ta Phú Yên (xă Đồng Xuân, n’gor Dak Lak), N’gor ủy, HĐND, UBND, Ủy ban MTTQ Việt Nam n’gor Dak Lak ƀư Nkah gĭt 95 năm Nar ndâk njêng Chi bộ Đảng Cộng sản bôk năp ta Phú Yên (5/10/1930-5/10/2025).

Ntoh ngơi ta nar ƀư, Kruanh HĐND n’gor Dak Lak Cao Thị Hòa An nkah gĭt tay trong hăn 95 năm kơp bah rnôk Chi bộ Đảng Cộng sản bôk năp bah Phú Yên luh lơ 5/10/1930 ta xóm Đồng Bé, thôn Phước Long, xă Xuân Long, nkuăl Đồng Xuân, aƀaơ ta xă Đồng Xuân, n’gor Dak Lak., Chi bộ rnôk nĕ geh 9 đảng viên, yor đồng chí Phan Lưu Thanh ƀư Bí thư. Rlet rlău 95 năm, bah Chi bộ bôk năp đah 9 đảng viên, tât aƀaơ, jêh nglăp nsum Đảng bộ Phú Yên n’hanh Dak Lak, lam n’gor lĕ geh rlău 137.000 Đảng viên; 100% thôn, ƀon, nkual ƀon lan gŭ geh chi bộ Đảng da dê, mĭn lah nău tơm khlay chính trị, n’gâng tơm nâp nâl tâm trong chính trị bah dâng.