Lơ 17/11, Hội Liên hiệp Bu ur n’gor Dak Lak ƀư n’glôch jêh n’hanh an ndơ nkhôm Rơh tâm rlong “Bu ur thôn ƀon ndâk njêng nău kan rgâl mhe, mĭn ƀư mhe” năm 2025. Rơh tâm rlong Bu ur thôn ƀon rdâk njêng nău kan rgâl mhe, mĭn ƀư mhe lah nău ƀư mpeh tâm Bôk nău rgop an tâm nchră “Ntop kơl bu ur rdâk njêng nău kan” 2025 yor Hội Liên hiệp Bu ur n’gor Dak Lak mbơh ƀư bah bôk khay 9 năm aơ, wăch rgum âk nău nchrăp ƀư bah ăp gưl Hội, doanh nghiệp, hợp tác xã, rmôt kan ndrel n’hanh êng nuĭh bu ur tâm lam n’gor râng.

Tĭng uănh lah bah Ban Giám khảo, ăp nău nchrăp ƀư ntơm tĭng bôk nău, mpơl nuih n’hâm mĭn ƀư mhe n’hanh mpŏng ŭch rdâk njêng nău kan bah bu ur thôn ƀon. Jêh rwăch tâm rlong bôk năp, Mpôl rdâk ƀư lĕ săch 18 nău nchrăp ƀư ntoh lư lăp rwăch tâm rlong n’glêh dŭt. Ta aơ, nuĭh tâm rlong na nê̆ nkoch mbơh, ƀư kloh nău rgâl mĭn ƀư mhe, dơi tăch rgâl ndoh ndơ, rnoh hao jêng, kơt ntrŭt wăng sa, rêh jêng bah nău nchrăp ƀư.