Ôi 30/9, Đại hội đại biểu Đảng bộ n’gor Dak Lak lor bôk năp, năm kan 2025 – 2030 ntơm pơk ngăn đah nkô̆ “Tâm rnglăp – geh nău tâm ban – tĭng jăp – Đăt ndal- Hun hao”. Đại hội geh tât râng 449 đại biểu, ntơh măt an rlău 137.000 đảng viên lam Đảng bộ, wa Nguyễn Văn Nên- Rnâng kan Tiểu ban Văn kiện Đại hội XIV bah Đảng, ndrel kruanh ăp Bộ, ăp n’gâng kan Trung ương n’hanh ăp n’gor. 

Gay ƀư jêng ngăn ngăn, Đại hội ntrŏng pe rêng đăt ndal têh jong; Hun hao tơm nuĭh kan săk blău âk, nkre đah rgâl mhe pah kan cán bộ; Ntrôl dăng khoa học – công nghệ, rgâl blău njêng mhe, rgâl mbrô lĕ pe n’gâng tơm: n’gâng kan mbrô, wăng sa mbrô, nău rêh mbrô; Rgum ntuh kơl ndơ dŏng, lơn lah ăp trong cao tốc, trong me, nkual -  rkŭm công nghiệp, ndơ dŏng đô thị. Lah rđău đă ta Đại hội, wa Nguyễn Văn Nên, rnê âk ăp  nău dơi n’gor hŏ geh, nkre dăn đă n’gort Dak  Lak ntik n’hao săk geh dơh uĕh mha êng “bri – dak lêng”, ntrôl dăng tâm ntêng lêng nkual, n’hao săk blău tơm nuĭh kan n’hanh tĭng ƀư rgâl ngăn trong tĭng, rgâl soih aih ntŭk ntuh kơl. Đại hội hŏ mbơh nău n’glêh an bah Bộ Chính trị nchŏng đă Ban Chấp hành, Ban Thường vụ, Bí thư, Groi Bí thư Tỉnh ủy năm kan 2025-2030. Wa Nguyễn Đình Trung, Ủy viên Trung ương Đảng dơi nchŏng đă ƀư Bí thư Tỉnh ủy Dak Lak năm kan 2025-2030.