Kêng măng 17/9, UBND n’gor Dak Lak rƀŭn ăp khay tâm khay 8 năm 2025, pă mbơh nau tât nau kan văng sa, rêh jêng, neh dak-rnă njrăng ndrel nkoch mbơh du đê̆ nkô̆ nau báo chí mhe mbơh. Nkô̆ nau geh uănh ngăn rgum tâm nau pă tơm prăk ntuh kơl nsum, ntŭk ntu gung trong mô nâp, nau kan ntrơn pă neh dŏng kan bah ăp nau kan tơm, ndăn sŏk prăk tâm bôk năm nru, ndrel nau kan mât ăp ntŭk nkra săm sêk. Ơh nau ôp bah phóng viên Radio Việt Nam.

 wa Trương Công Thái, Groi Kruanh UBND n’gor, mbơh, năm 2025 Dak Lak geh pă ntop rlau 16 rbăn rmen, yơn tât dŭt khay 8 mơ geh pă tơm prăk ê tât 40%. N’gor geh nau ntrŭnh đă ƀư rgâl, đă ăp ntŭk kan ndal ƀư jêh nau kan, đăp mpăn ƀư ân jêh nkô̆ nau pă tơm prăk dŏng kan tâm năm. UBND n’gor lah rjăp mra nsôih rđau gay ma ntrŭt dăng ngăch nau kan, tŏng dơi nau ŭch hun hao văng sa, rêh jêng./.