Lôch dơn ngoăy, Liên hiệp ăp mpôl kan tâm rnglăp n’gor Dak Lak hŏ dăp rgum ăp tŏng, aƀaơ geh 9 mpôl lăp kan nsum. Ndrel đah mât kơt ơm tâm boh tâm rnglăp, Liên hiệp ntrŏng rgum tơm tâm năm kan mhe lah pơk hvi tâm boh dak bah dih, lor nchrăp buăt nthoi băl tâm boh, rgum geh tơm ndơ tâm di đah nău ŭch geh hun hao bah n’gor n’hanh n’hao nău dơi tam kan bah ăp mpôl lăp kan nsum.

Tâm bah ri aơ nơh, ăp mpôl kan nsum hŏ mât kơt ơm tâm boh tâm nđŭr ƀon lan đah Lào, Campuchia, Nhật Bản, Hàn Quốc, Ấn Độ n’hanh âk băl tâm boh êng ƀa ƀă. Ăp nău kan dja rgop n’hao âk nău tâm gĭt wât nsum, dêh bên đah ƀon lan Dak Lak, Phú Yên đah ăp dak; tâm nê, tâm boh đah n’gor Mondulkiri bah Campuchia rgop rdâk njêng n’har bri đăp mpăn, dêh bên. Năm aơ, liên hiệp hŏ kan nsum an ƀư, wat jêh 8 rnoh ntop kơl jăch ndăn lôch phŭt lơh bah ăp mpôl kơl bah dih chính phủ dak bah dih, đah lĕ rngôch rnoh khlay rlău 56 rmen prăk.