Hun hao râng geh nsum pe khay bôk năm bâh n’gor Đăk Lăk kanŭng geh hao 7,47%. Geh nău jêr an geh hun hao 10% năm 2026 dôl geh nsrŭn têh dăng ta 9 khay hôm e, tâm rnôk ăp ntrong kan tăch ndơ an dak bah dih, pah kan jan sa mpeh công nghiệp n’hanh dŏng ndơ geh nău tât mô ueh bâh dŏng kan Logistic n’hanh rnoh ndơ  hao khlăy. Gay ma doh rklaih ăp nău kŏ văk, nuĭh leo kan n’gor Đăk Lăk đă ăp ntŭk kan, n’gâng kan n’hanh ăp ntŭk uănh nđôi ta ăp ntŭk pah kan, rgum uănh năl ta ăp nău kŏ văk mpeh neh ntu,  ntŭk kan n’hanh nău ƀư săm ƀŭt ntuh kơl, ntrôl dăng nău kan ăp tơm khlăy kơt trong têh Khánh Hoà- Buôn Ma Thuột, trong têh Bắc -Nam mpeh luh nar n’hanh ăp nkual gŭ mhe kơl an nău kan trong loih têh Bắc- Nam.