Kêng măng 20/10, rmôt bu ur ƀư nau kan tăch rgâl n’gor Dak Lak ƀư Bôk nau kan tâm mâp măt di nkah 95 năm Nar ndâk rmôt Bu ur Việt Nam (20/10/1930-20/10/2025) ndrel rmôt Bu ur ƀư nau kan tăch rgâl Jăp blau tal 3 đah nkô̆ nau Bu ur ƀư nau kan tăch rgâl tâm rach năm n’hao săk. Tâm nar mâp măt, Rnâng kan hŏ rnê, ryơk ăp rmôt ndrel êng nŭih geh nau ntoh lư, pă săm ƀŭt kơp dơn lah nŭih ƀư nau kan mhe, nkre ƀư rgŏ jă nau tâm rlong “Bu ur ƀư nau kan tăch rgâl jăp blau” đah nau tâm rlong nsoh ao jong, nau ngăch blau ndrel nau ƀư njroh mprơ ueh.

Ntoh nau tâm bôk nau kan, wa Y’Giang Gry Niê Knơng, Groi Bí thư n’gor uỷ, Kruanh Uỷ an MTTQ Việt Nam n’gor Dak Lak ntoh măt ân n’gor uỷ kơp dơn ndrel rnê ăp nau rgop bah rmôt bu ur đah nau hun hao văng sa rêh jêng bah n’gor. Nkre ŭch ăp bu ur ƀư kan tăch rgâl lŏ ƀư ueh nau ơm, rgâl blau mhe, lah rjăp nau dơi ndrel nau dăng bah nơm tâm rnôk tâm rnglăp ndrel ntrơn rgâl mrô./.