Ntơm bah bôk năm tât aƀaơ, nkual wăng sa n’hanh ăp nkual công nghiệp ta ntŭk hŏ wăch rgum tay âk trong nchrăp kan mhe tâm trong kan công nghiệp, nkret njêng n’hanh ŭnh nar. Rnoh bêng ta ăp nkual công nghiệp dôl kan geh nklăp 92%. Nkual wăng sa Nam Phú Yên n’hanh ăp nkual công nghiệp hŏ wăch rgum geh 133 trong nchrăp đah lĕ rngôch tơm prăk ntuh kơl đăng ký bơi 35.000 rmen prăk.

Ta rơh tâm dâl nău, âk wăk kol geh tât ndơ dŏng nkual công nghiệp, manh neh n’hanh siƀŭt ntuh kơl dơi doanh nghiệp mbơh nkoch, dăn đă droh rklaih gay dơh ngăch an ƀư njêng tăch rgâl. Kruanh Ban mât uănh Nkual wăng sa Nam Phú Yên an gĭt, đơn vị dôl ntrôl ngăch rgâl dơh glêh siƀŭt, n’hao dăng ntĭm nti gay doanh nghiệp ƀư hồ sơ dơh ngăch lơn. Đah nău dăn đă pơk trong nthoi Nkual công nghiệp An Phú luh tât trong mbrô 14, nchrăp trong mbra ƀư lôch jêh bah năp nar 15/7. Mpeh nău dăn đă trok prăk manh neh du tơ̆, Ban Mât uănh mbra kan nsum ntĭm nti doanh nghiệp ƀư ăp siƀŭt rgâl di tĭng quy định. Nkhêp geh rnôk dja, Ban Mât uănh nkual wăng sa Nam Phú Yên ndơ̆ n’glêh an trong nchrăp ntuh kơl n’hanh siƀŭt kơp dơn ntuh kơl an 5 trong nchrăp mhe đah lĕ rngôch tơm prăk ntuh kơl bơi 1.200 rmen prăk./.