Đah bôk nău “Rgâl mhe têh dăng tâm nău kan pah kan bâh Đoàn”, Khay mom ndăm mbơh tơih 12 nău kan tơm khlăy, rgum ta nău ntĭm nti chính trị , rgâl mhe rnoh mbrô, rnă njrăng rêh jêng n’hanh kơl an mom ndăm njêng nău kan, njêng nău rêh. Di rơh aơ , đoàn n’gor rgŏ jă rơh tâm rlong trực tuyến joi gĭt mpeh Nghị quyết Đại hôị Đảng n’hanh Đại hội Đoàn ăp gưl, mpŏng tât vơt tĭng Tết tăm tơm si, pă nău kan an mom ndăm n’hanh pă ndơ an kon hoc, tahen pôih tahen n’har bri mpông ndrâm dak lêng Cảng Vũng Rô. Lôch rơh rgŏ jă, ăp mpôl kan tăm tơm si, mât ueh ntŭk gŭ rêh, ntơm ƀư tach pah play n’hanh sa nkra ntŭk ntoh ang pơk sóng wifi mô sŏk prăk. Lĕ rnoh prăk ƀư pah kan geh rlău 200 rkeh prăk.