Tĭng nău mbơh tơih bâh n’gor, n’gâng kan tuch tăm n’hanh ntŭk rêh jêng ta ntŭk lĕ lăp kan ueh đăp mpăn, yơn lah geh ntoh âk nău kŏ văk. Tâm nĕ, nău nchrăp kan, pă neh, an manh neh, tâm trok, ntrơn ntŭk gŭ mhe hôm nha vĭ vĕ, du đê̆ nău ntrŭnh mpeh nău kan hành chính geh tăch proăt rnôk nău dơi kan đah ăp gưl kan ê hŏ geh pă năl na nê̆, mpôl kan mât uănh si gle, mât săm ndơ rong, mât tơm tăm geh mâp âk nău jêr mpeh nuĭh kan n’hanh nău kơl, nău ngăch nchrăp pah kan, nău nchrăp dŏng neh lvang năm 2026-2030 dôl geh mbrơi yor lah mô di  đah pháp lý n’hanh rnoh mbrô rgop kan, ăp nău kan kơt lah mbơh dăn rnoh mbrô nkual tăm, rnoh tâl dŭng, pă ntil ndơ mât tơm tăm ê hŏ geh nău dơn ngoăy tâm ban, ƀư an nău pah kan jan sa, tăch ndơ an dak bah dih bâh doanh nghiệp mâp âk nău jêr. Nglôch lôch ta rơh pah kan, groi kruanh Phùng Đức Tiến rnê âk nău leo kan, kloh rjăp bâh Khánh Hòa tâm nău nkoch ngăn, đă n’gor Khánh Hòa an geh gĭt dăch lơn, tâm ban rnoh mbrô neh ntu, mât đăp mpăn dơn ngoăy đah ăp gưl kan, ƀư nău kan tơm uănh năl rnoh neh n’hanh nău nchrăp kan dŏng neh ta rơh mhe. Ăp ntŭk kan way kan bâh n’gâng kan an geh tâm rgop đah ntŭk ƀư lôch nău ntĭm leo, gay ma mât đăp mpăn nău mât kan ngih dak tâm trong kan tuch tăm- ntŭk gŭ rêh geh ƀư ueh aih, săk rnglăy, tâm di đah nău leo kan n’gâng kan 2 gưl.