UBND n’gor Gia Lai mhe uănh an ăp trong ƀư n’hoch djoh ngăch dak bŭk n’hanh tor gĭt lor trong ntuh kơl ndjoh hŭch dak bŭk bah dâng dak me Hà Thanh lvang năm 2026–2030, đah lĕ rngôch prăk dŏng ƀư nchrăp 2.675 rmen prăk. Tĭng trong nchrăp UBND n’gor Gia Lai mbra rơih jăng ngăn ăp ntŭk rŭn in meng rbong dak n’hanh nklang dak me ƀư jêng nking kol n’hong hoch, nkre tâm n’glăp nsum tâm ban đah trong ƀư way ơm n’hanh mô way ơm gay đăp mpăn hoch djoh ngăch dak bŭk bah dak me Hà Thanh.

Tâm năm 2026, n’gor an tâm pă ƀư lor 280 rmen prăk gay nkra lơh ăp nău dơn kan jăch ndăn, rgum droh rklaih ăp ntŭk kol khan n’hong hoch bah năp khay mih. Rgum tơm tâm nê lah đă ntrơn du 75 rnăk ƀon lan tih rŭn in rbong dak me ta xã Tuy Phước n’hanh phường Quy Nhơn Bắc. Lvang năm 2027-2030, n’gor nchrăp dŏng rlău 2.395 rmen prăk, gay ƀư lôch jêh ăp ntŭk tĭng trong nchrăp, rƀŏng tât đăp mpăn jŏ jong n’hanh hun hao nâp dăng an nkual bah dâng dak me. UBND n’gor jao Sở Nông nghiệp n’hanh Môi trường ƀư tơm, kan nsum đah ăp đơn vị geh tât ƀư wat jêh trong nchrăp na nê̆ bah năp nar 06/3/2026 gay ntơm an tĭng ƀư.