Nar ntri 4/8, Tỉnh ủy Gia Lai ƀư Tâm nchră jao ban đah Rnâng kan Đảng ủy 135 xã, phường mpeh lôch 1 khay an ƀư n’gâng kan 2 gưl. Tĭng nău mbơh, du khay aơ, gưl ủy, n’gâng kan gưl xã ta Gia Lai hŏ ngăch n’gluh siƀŭt rđău đă, ƀĭt juet; wat jêh nău tâm pă nuĭh kan, nhih pah kan n’hanh ndơ ntrŭp dŏng gay lăp kan ăp Ntŭk rgum ƀư siƀŭt. Ăp ntŭk dơn hồ sơ ta ăp ntŭk rgum ƀư siƀŭt kan geh nău dơi ngăch, đah rlău 163.000 hồ sơ hŏ dơn lăp; rnoh âk nkra ƀư di nar ton geh 97,65%... Yơn lah, tât aƀaơ ăp siƀŭt ntĭm nti đah gưl xã hôm tâm chong cheng, biên chế mô tŏng ăp, lơn lah cán bộ way mât uănh mpeh công nghệ thông tin.

Ndơ dŏng kan ta âk xã, phường jŭr djơh, ndơ dŏng kan mô ăp kôp. Bah năp nău ngăn geh nê, wa Hồ Quốc Dũng, Bí thư tỉnh ủy Gia Lai đă ăp n’gâng kan tâm dâng rdâk nkra tay, ăp tŏng nuĭh kan, rdâk njêng nău way pah kan n’hanh bôk nău  kan du trong lhăt jăp. Ăp n’gâng kan ân kan nsum ƀư pơk jrô kơi năp nti nău way blău kan tĭng trong ƀư “nhŭp ti nchŏng kan” an cán bộ xã; gŭ mĭn n’hanh dăn đă trong sơch lăp kan mô lah rgâl cán bộ, công chức rmeh bah ăp ntŭk êng tât ăp ntŭk hôm pah pât. N’gor mbra rong an nklăp 250 rmen prăk gay ntop kơl an ăp xã phường rvăt năp, nkra uĕh tay ndơ ntrŭp dŏng kan. ./.