Tĭng Mpôl Mât uănh ăp nău nchrăp ƀư ntuh kơl ndâk ƀư n’gor Gia Lai, dĭng lĕ ndơ ndâk ƀư lĕ nău nchrăp ƀư mhe geh nklăp 42% rnoh khlay tâm ton ndâk ƀư rlău 1.226 rmen prăk. Dôl uănh, geh tât 6/7 ntŭk ngih samƀŭt mbrơi ngăch bah 10 tât 15 nar, nkô̆ nău dŭt âk yor mô tŏng âk nuĭh kan gĭt blău.

Ta năp jêr jŏt an jêh ndơ ƀư gay ngăch rhŏ an năm nti mhe, nuĭh tơm ntuh kơl lĕ na nao nău mbơh ăp nuĭh ndranh, nkre dăn đă UBND n’gor ntop kơl rmôt tahen, công an, tahen n’har bri râng ntop kơl nuĭh rdâk ƀư. Nău nchrăp ƀư geh dĭng lĕ prăk ntuh kơl rlău 1.516 rmen prăk, mô knŭng rhŏ an nău ŭch nti nsơm bah kon hŏk nkual n’har bri ma hôm geh nkô̆ nău khlay mpeh đăp mpăn nău rêh jêng, n’hao nău gĭt blău n’hanh nta an hun hao nâp nâl nkual n’har bri Gia Lai.