UBND n’gor Gia Lai mhe n’gluh Đề án “Ntik n’hao nău khlay kan bah đoàn viên, druh ndăm tâm rgâl mbrô lam ƀon lan lvang năm 2026–2030”, đah nău ŭch ndơ̆ nău blău dŏng n’hanh uĕh di mbrô tât dăch nuĭh ƀon lan, doanh nghiệp ntơm bah tâm dâng. Tĭng nê, đah trong rƀŏng “hăn tĭng jay, goh tĭng mpông, ntĭm nti tĭng nuĭh”, đoàn viên, druh ndăm dơi ntrŏng lah mpôl kan n’gâng tơm, ntop kơl nuĭh ƀon lan dŏng geh nău tam ăp ndơ pơk kơt ƀư siƀŭt pơk sŏng dăng bah ngai, năl săk điện tử VNeID, trok tâm mô dŏng prăk măt n’hanh đăp mpăn ta trôm mạng.

Gia Lai n’gluh tât năm 2030, 100% xã, phường njêng n’hanh mât kơn Rmôt công nghệ mbrô tâm ƀon lan; tâm pă ntŭk ntop kơl mbrô ta jay văn hóa mô lah nhih pah kan UBND gưl xã gay ntop kơl nuĭh ƀon lan dŏng hăr tài khoản định danh điện tử rnoh 2. Đề án an ƀư trong ntĭt leo “xã găr ntil mpeh khoa học công nghệ, rgâl blău mhe n’hanh rgâl mbrô”, nchrăp sơch 30 xã, phường tâm năm 2026 gay ƀư ntĭt leo lor, ntơm bah nê pơk hvi lam n’gor.