Aơ lah gâl dŭt jong, geh yôk nor n’hanh kỹ thuật ƀư dŭt jêr, geh nău khlay nthoi bar bôk trong. Trong gâl 2, cao tốc Quy Nhơn – Pleiku jong 68 km, bah phường An Nhơn tât xã Đak Đoa.

Trong ntuh kơl hvi 4 mbor ndeh, lĕ rngôch tơm prăk ntuh kơl rlău 27.500 rmen prăk. Wa Nguyễn Tự Công Hoàng, Groi kruanh UBND n’gor Gia Lai an gĭt, bri neh yôk nor, ndrel đah mih têh way geh mbro ta Tây Nguyên, ndơ̆ luh nău ŭch geh âk đah pah kan rdâk mon, nâp uĕh n’hanh đăp mpăn njăr trong. Groi kruanh UBND n’gor Gia Lai đă nuĭh tơm ntuh kơl, ăp nuĭh dơn ndranh rgum nuĭh kan, ndeh rklư, lŭ loih; leo ƀư khoa học, nkre kan nsum lhăt đah ăp ntŭk tâm dâng gay đă ntrơn du ngăch, droh rklaih jêr jŏt, đăp mpăn di rnoh ngăch.