Siƀŭt mbơh bah Bộ Văn hóa, Thể thao n’hanh Pâl nđaih an gĭt, aƀaơ, lam dak geh rlău 40.000 ntŭk têl ơm yău ntlơi an tay n’hanh nklăp bơi 70.000 drăp ndơ ơm yău văn hóa mô mpơl săk dơi nchih rgum.

Tâm nê geh 37 drăp ndơ ơm yău dơi UNESCO nchih săk. Lah ta rơh pah kan, Tổng Bí thư, Kruanh dak đă n’gâng kan văn hóa uănh năl răp jăp nău dơi nta trong dơh, nkra dŭt bah ăp nău khoah, nkre lor nchrăp ƀư geh âk mpưm ndơ mât prăp gưl neh dak ma trong tâm n’guăk kan mplơ̆ sĭt drăp ndơ ơm yău mpêt khlay bah dak bah dih n’hanh nkra bah sŭng bŏng mât ndray nău khlay kăl e hun hao neh dak rlău 80 năm aơ. Lơn lah, Tổng Bí thư, Kruanh dak lah rjăp nău dơn kan bah rơh kơn nar aơ mô dơn lah mât njrăng drăp ndơ ơm yău ntlơi an tay bah nuĭh lor bôk năp ma hôm ân lor nchrăp nta trong dơh an drăp ndơ ơm yău ntlơi an tay bah kơi. N’gâng kan văn hóa ân rgâl bah nău mĭn mât ndray dơm tât lor nchrăp nta trong dơh nău nkah ndray kăl e gưl neh dak; rdâk njêng rêng ƀư nsing uănh năl "săk geh drăp ndơ ơm yău ntlơi an tay" ntơm bah rêng dăp rgum, ntuh kơl n’hanh njêng "hồ sơ nkah ndray kăl e" an pah kan ntoh lư gay mât ndray lam lĕ rngôch rnoh khlay lịch sử jŏ jong.