Lơ 27/11, UBND n’gor Gia Lai mbơh nau kan ndal mpeh nau khuch bah bri n’hach ndrel dak lip lơh tâm 77 xã, phường tâm n’gor. Ndrel nar, n’gor kŏ ntrŭnh ƀư ăp nau kan gay ma rdâng đah phŭt mrô 15 geh nau tât. UBND n’gor Gia Lai đă ăp rmôt kan lŏ rgum nŭih, ndơ dŏng kjơl an, kơl mât nau rêh ƀon lan. Ntŭkkan ndal nkra nâp ăp ntŭk ntu tơm kơt trong hăn, trong hoch dak, điện, viễn thông, ngih săm ƀŭt, ngih dak si; nkre ƀư ntŭk gŭ ndeh đăp mpăn, tŏng nau rêh ân ƀon lan roh ngih vâl tâm rơh phŭt mrô 13 ndrel dak lip lơh jêh nê.

Rmôt tahen, biên phòng ndrel công an ntrŭnh leo ƀon lan luh bah nkuăl geh khuch khat, ntrŭnh ƀư nau kơl an, rklaih ntŭk ntu jêh dak bŭk lơh ndrel njrăng râng đag srê ji. 2 rơh geh khuch khat mhe rlau tâm Gia Lai geh 5 nŭih khĭt, 11 nŭih rmanh; rlau 100 rbăn ngih ƀon lan djơh, âk drăp ndơ, ntŭk kan geh djơh khuch...rnoh kơp dĭng lĕ bơi tât 12 rbăn rmen prăk./.