UBND n’gor Gia Lai mhe ntrŭnh đă rdâk njêng jăch ndăn đah 8 ntŭk ntrơn du ntŭk gŭ mhe n’hanh 1 trong nchrăp ndop nkre gay tâm pă ntŭk gŭ đăp mpăn ta nkual dak bŭk mpeh luh nar n’gor. Ăp ntŭk gŭ mhe mbra dơi an ƀư ta xã Cát Tiến, Đề Gi, Phù Mỹ Đông, Phù Mỹ Bắc, An Hòa n’hanh phường Quy Nhơn Đông, gay đăp mpăn ntŭk gŭ an ăp rnăk ƀon lan ân tât ntrơn du lôch dak bŭk mhe aơ.

Lĕ rngôch tơm prăk dŏng ƀư ntuh kơl an 9 ntŭk rlău 178 rmen prăk, dŏng tơm prăk ngân sách Ngih dak n’hanh ăp tơm prăk tâm di êng ƀa ƀă. Ban mât uănh trong nchrăp kan tuch tăm mât rong n’hanh hun hao thôn ƀon n’gor Gia Lai dơi jao ƀư tơm ntuh kơl, tĭng ƀư ăp siƀŭt sơch nuĭh ƀư ndranh n’hanh wat jêh hồ sơ tĭng di quy định. Trong nchrăp mbra an ƀư lvang năm 2025–2026, đah nău ŭch ntrôl ngăch đăp mpăn nău rêh, rdâk tay nău kan tŭch tăm n’hanh bah ir roh huach an ƀon lan nkual dak bŭk.