Ta ăp ntŭk kan nău nchrăp ƀư khlay ta Gia Lai, mông nar rdâk ƀư dôl ndăn, ntrôl ngăch ntung trong, geh n’hâm soan hun hao wăng sa-rêh jêng. Nău nchrăp ƀư trong mper wăng sa mpeh Đông-trong dêr Quốc lộ 19, lvang rlău xă Biển Hồ, ntơm rdâk ƀư dŭt năm 2022 đah dĭng lĕ prăk 1.325 rmen prăk, jong bơi 15 km, aƀaơ ndăn ngăch ndâk ƀư “3 ca, 4 kíp” bôl n’ăp trôk nar, nsrôih jêh ta năp 19/12 năm aơ.

Ndrel đah nĕ, Gia Lai dôl nchră an 2 nău nchrăp ƀư ngih dak; trong têh hăn ngăch Quy Nhơn-Pleiku n’hanh trong ndeh treng hăn ngăch Bắc-Nam. N’gor lĕ jêh trong kan wê̆, kơp, nchrăp ndoh ndơ n’hanh tâm pă 11.000 rmen prăk gay rhŏ an trok neh, sŏk neh, jêng an mbơh ƀư ăp nău nchrăp ƀư têh, rgop boăt nthoi nkual n’hanh ntrôl hun hao nâp nâl.