Bah năp mper Đại hội Đảng bộ n’gor, năm kan 2025-2030, ôi 30/9, UBND n’gor Gia Lai ƀư sa nkra bar njăr trong me lah Trong n’gor 633 gâl ntơm bah Núi Ghềnh tât trong meng dak lêng (Trong n’gor 639) n’hanh trong Điện Biên Phủ nthoi tât nkual đô thị Diêm Vân. Aơ lah 2 njăr trong tơm me, rgop ƀư ăp tŏng trong hăn, pơk ntŭk hun hao mhe an n’gor Gia Lai ta mpeh luh nar.

Ntơh măt UBND n’gor Gia Lai lah ta rnôk sa nkra 2 njăr trong, wa Nguyễn Tuấn Thanh, Groi kruanh rnâng kan UBND n’gor Gia Lai đă nuĭh tơm ntuh kơl, ăp n’gâng kan, ăp ntŭk n’hanh ăp nhih pah kan tơm mât uănh ƀư jăp pah kan mât uănh nău kan, mât nkra trong hăn; ƀư trok tâm prăk ntuh kơl tĭng quy định; ra uănh, rƀah gĭt ăp ntŭk dăp rgum rdâk njêng n’hanh dăp rgum êng ƀa ƀă gay mât dŏng geh nău tam ăp njăr trong hăn, rgop tĭng ƀư jêng ngăn ngăn ndơ̆ n’gor Gia Lai jêng n’gor hun hao mbơm oi ta nkual Miền Trung, hun hao 2 keh mbrô tâm let năp tay”.