N’gor Gia Lai nchrăp tâm pă rlău 11 rbăn rmen prăk gay trok sŏk neh n’hanh ntop kơl ntŭk gŭ an nuĭh ƀon lan rnôk mbơh ƀư 2 nău nchrăp ƀư ntung trong têh hăn rlău ta ntŭk. 2 nău nchrăp ƀư geh trong têh hăn ngăch Quy Nhơn-Pleiku n’hanh trong ndeh treng hăn ngăch Bắc-Nam lvang Gia Lai. Tâm nĕ, nău nchrăp ƀư trong Quy Nhơn-Pleiku geh dĭng lĕ jong 125 km, dĭng lĕ prăk ntuh kơl 43 rbăn rmen prăk, dĭng lĕ prăk trok, sŏk neh n’hanh ntŭk gŭ mhe nklăp 4.700 rmen prăk.

Tât aƀaơ, trong kan nchrăp ndoh ndơ, wê̆ nkă, kơp uănh lĕ jêh. N’gor dôl kâp chính phủ mbơh an Nghị quyết gay ntơm rdâk ƀư. Đah trong ndeh treng hăn ngăch, lvang Gia Lai jong 115 km. Prăk trok sŏk neh nklăp 6.400 rmen prăk. N’gor lĕ dăp rgum 38 nkual ntŭk gŭ mhe, rhŏ an bơi 1.600 rnăk geh khuch. Aƀaơ 37 nkual lĕ dơi uănh an dăp rgum na nê̆. 2 trong dơi ndâk ƀư pơk luh âk ntŭk hun hao mhe an n’gor Gia Lai./.