Lôch lễ wơt, 18 nting tahen ơm khĭt ndrel ăp ndơ ơm hôm năl saơ dơi nsĭt tât ndah rup nkah ndray ăp tahen ơm khĭt Đức Cơ, mpeh nkual Nghĩa trang Liệt sĩ Đức Cơ gay mât njrăng, uănh chăm n’hanh ôp mbah tĭng nău way ơm.

Ta aơ, Mpôl way rnâng kan Ban rđău đă 515 n’gor Gia Lai n’hanh cán bộ, tahen hŏ n’guh mbah n’hơr nhang, nkah gĭt ăp tahen dăng janh khĭt tâm mông nar huêng khlay, rngot klâng. Tĭng trong nchrăp bah Ban rđău đă 515 n’gor Gia Lai, lễ dăn an klaih huêng ăp tahen ơm dăng janh khĭt dơi ƀư tâm nar 12/6. Nar weh njăt, nkah n’hâm suan du bông nău rêh nău kan n’hanh tâp bôr 18 nting tahen ơm khĭt mbra ƀư tâm nar 13/6 ta Nghĩa trang Liệt sĩ Đức Cơ, xã Đức Cơ, n’gor Gia Lai.