Ôi 29/9, Groi kruanh dak, Groi kruanh bôk năp Hội đồng Tâm rlong – Nkhôm rnê Trung ương Võ Thị Ánh Xuân râng n’hanh rđău đă Đại hội tâm rlong rŏng dak n’gor Lâm Đồng lor bôk năp. Groi kruanh dak nchih nkah n’gor hŏ nsrôih an ƀư jru hvi ăp trong leo tâm rlong, njêng suan ring lam dăng tâm lam mpôl.

Tâm năm kan, Lâm Đồng geh rlău 360 mpôl, ăp nuĭh dơi Kruanh dak ntăm an Huân, Huy chương, săk ntơ tâm rlong, nkhôm rnê, săk ntơ mpư rnê Ngih dak; rlău 500 mpôl dơn Cờ thi đua, Bằng khen bah Chính phủ; rlău 32.000 mpôl dơi nkhôm rnê gưl n’gor ndrel âk trong ƀư mpư rnê êng ƀa ƀă. Nkhêp geh rnôk dja, kruanh dak pă an 200 nklâm ndơ an kon se nti rlău jêr jŏt nti blău n’hanh ăp mpôl tahen dăng janh ƀon lan râng đại hội. Đại hội mpư rnê, nkhôm an 15 mpôl, ăp nuĭh ntoh lư tâm âk trong kan đŏng, rgop ntrŭt nsôr trong leo ƀư tâm rlong rŏng dak lvang năm 2025 – 2030.