Ntoh ngôi ta rơh đại hội, Groi kruanh dak Võ Thị Ánh Xuân nkah mbơh, n’gor Cà Mau lôch dơn ngoăy geh âk nău dơi gay ma hun hao, yơn lah hôm nha geh âk nău jê r jŏt kơt: ndơ dŏng ntung trong, ndơ dŏng rnoh mbrô ê ô̆ tâm ban, nău rêh bâh ƀon lan ngăn lah ta nkual njônh ngai hôm nha ê hŏ geh tŏng ăp. N’gor Cà Mau an geh n’hao nău kan ta ntŭk, ƀư tĭng nău nchrăp kan, ntuh kơl n’hanh hun hao ăp ntil ndơ wăng sa n’hanh văn hóa rêh jêng, mât rnă njrăng ngih dak an tâm ban tâm di. Groi kruanh dak Võ Thị Ánh Xuân, đă n’gor Cà Mau rgŏ jă n’hanh ƀư tĭng ăp nău kan tâm rlong rŏng dak an na nê̆, njêng nău kan săk rnglăy an ntŭk rêh jêng. Di rơh aơ, n’gor Cà Mau geh pă rnê Huân chương lao động hạng ngoăy, 7 nuĭh kan dơn huân chương lao động ăp hạng, 9 ntŭk kan, nuĭh kan dơn bằng khen bâh Thủ tướng Chính phủ, 163 ntŭk kan, 419 nuĭh kan geh dơn bằng khen bâh UBND n’gor.