Ta rơh rlong ƀư lĕ rngôch,  Groi kruanh rnâng kan Quốc hội Đỗ Văn Chiến n’hanh ăp đại biêủ lĕ rlong ƀư lĕ rngôch bôk nău kan n’hanh uănh nđôi na nê̆ ăp nkô̆ nău geh ƀư ta rơh kahgĭt. Lôch geh djăt ăp nău tâm rgop mpeh nkô̆ nău kan bâh ăp đại biêủ, Groi kruanh rnâng kan Quốc hội Đỗ Văn Chiến kơp dơn ăp ntŭk kan, ăp n’gâng kan lĕ n’hao nău dơn kan, nău nsrôih, nău kan ueh leo kan lor ƀư ăp trong kan nchrăp kơl an nău leo ƀư kahgĭt an ueh na nê̆ ngăn. groi kruanh rnâng kan Quốc hội lĕ geh gĭt rhoăt nău mô dơi kan ta ntŭk n’hanh djăt nău tâm rgop ntĭm đă sŏng dăng đah ăp ntŭk kan mpeh nău leo kan, vơt năch, vơt đại biêủ, nău ƀư kahgĭt, nchrăp ndơ, mât đăp mpăn rnă njrăng, ueh lăng. Tĭng nău nchrăp, rơh kahgĭt 80 năm nar săch kruanh bôk năp Quốc hội Việt Nam mbra geh ƀư na nê̆ ta ôi tay lơ 6/1/2026 ta ntŭk rƀŭn nhcră Diên Hồng, ntŭk kan Quốc hội, Radio nău ngơi Việt Nam mbra geh mbơh nău sŏng dăng rơh kahgĭt têh khlăy aơ.