Pah kan đah n’gor Dak Lak mpeh nô nău hun hao wăng sa- rêh jêng kon nuĭh n’hanh rnoh ngăch n’gluh tơm prăk ntuh kơl, Groi Thủ tướng Chính phủ Mai Văn Chính rnê âk n’gor hŏ lor nchrăp n’glăp dŏng  n’gâng kan bar gưl lôch dăp rgum n’gor, mât rnoh hun hao tâm rnôk wăng sa geh âk jêr jŏt.

Ta rơh pah kan, n’gor dăn đă Trung ương ơm n’gluh an dŏng nghị quyết mhe an nkual Tây Nguyên n’hanh Duyên hải Nam Trung Bộ; an lor tơm prăk ƀư trong me Đông - Tây n’hanh ntop kơl nklăp 200 rmen prăk nkra bah khuch khat trôk nar lơh. Groi Thủ tướng Chính phủ Mai Văn Chính rnê âk nău nsrôih bah n’gor tâm dăp rgum nuĭh kan, rgâl dơh glêh siƀŭt n’hanh mât rnoh hun hao. Groi Thủ tướng đă Dak Lak n’hao dăng nchrăp lor, ntrôl ngăch n’gluh tơm prăk, n’hao nău dơi tam dŏng tơm ndơ; ra uănh tay rnoh tât năm 2025, nsrôih geh tât rnoh hun hao nklăp 8%, uănh khlay ăp bôk nău kan đăt ndal. Nkre uănh khlay nău rêh nuĭh ƀon lan nkual jru, nkual ngai, nkual ƀon lan rnoi mpôl đê̆; đăp mpăn ăp tŏng geh nău rêh nkre đah đăp mpăn njrăng n’gang neh dak, rnă njrăng.