Lah ta rnôk jao nău kan, Groi thủ tướng Phạm Thị Thanh Trà lah rjăp, rlău ăp ntŭk gŭ pah kan êng êng, Thứ trưởng Nguyễn Huy Dũng mpơl dơi nău rđău kan, way blău kan, lơn lah tâm trong kan khoa học n’hanh công nghệ; ŭch rŏng, thứ trưởng mbra geh ăp nău rgop khlay tâm nău dơi bah Bộ Văn hóa, Thể thao n’hanh Pâl nđaih, rgop ntrŭt ntrôl nău hun hao nsum bah neh dak, tâm ban kơt tâm trong nchrăp hun hao ntơm bah aơ tât năm 2045. Lah ta rnôk dơn nău kan, Thứ trưởng Bộ Văn hóa, Thể Thao n’hanh Pâl nđaih Nguyễn Huy Dũng ton, lĕ nuih n’hâm, lĕ brăt suan ndrel Bộ trưởng, kruanh rđău kan Bộ n’hanh lam n’gâng kan, tâm rnglăp, nđơn tay, hun hao, wat jêh uĕh ăp nău dơn kan dơi jao.