Ôi 3/3, Groi Thủ tướng Rnâng kan Chính phủ Nguyễn Hòa Bình geh nar pah kan đah n’gor Lâm Đồng gay mkra nău jêr jŏt, wăk kol ăp nău nchrăp ƀư nkân. Tĭng nău mbơh lĕ rngôch, ta lam n’gor Lâm Đồng geh 134 nău nchrăp ƀư geh jêr jŏt, wăk kol đah dĭng lĕ têh rlău 13.489 ha neh, dĭng lĕ rnoh ntuh kơl lah rlău 116 rbăn rmen prăk.

Tât aƀaơ, ntơm jêh, n’gor Lâm Đồng lĕ ƀư rjăp ăp nghị quyết, công điện bah Thủ tướng Chính phủ. N’glôn jêh rơh rƀŭn, Groi Thủ tướng Rnâng kan Chính phủ Nguyễn Hòa Bình djôt dơn nău lăp dŭt n’hâm bah n’gor Lâm Đồng tâm dôh rklaih an ăp nău nchrăp ƀư geh jêr jŏt, wăk kol; nkoch kloh Lâm Đồng an tâm rgop rjăp săk rnglăy đah ăp nău nchrăp ƀư geh jêr jŏt, wăk kol, nkân jŏ jong. Groi Thủ tướng Nguyễn Hòa Bình lĕ an rgop, ntĭm rđău na nê̆ nău mkra ăp tih; nău ntrŭnh, trong nchrŏng, nău kan, trong kan pă ntil, trong mkra dôh rklaih an ăp nău nchrăp ƀư, rmôt nău nchrăp ƀư dơi năl geh jêr jŏt, wăk kol, hôm e nkân jŏ jong bah n’gor Lâm Đồng dôl an rgum mkra, dôh rklaih.