UBND n’gor Khánh Hòa mhe geh siƀŭt njuăl Bộ Tài chính, Bộ Xây dựng, dăn đă ơm hao dăn Thủ tướng Chính phủ ŭch dơn ntuh kơl trong cao tốc Nha Trang – Đà Lạt bah năp năm 2030. Tĭng dăn đă, trong nchrăp mbra dơi ntuh kơl tĭng trong tâm boh bah dih tâm trôm ngih dak, tâm ton BOT geh tơm prăk Ngih dak râng. Trong cao tốc Nha Trang- Đà Lạt jong rlău 80km, bôk nthoi đah cao tốc Bắc – Nam mpeh luh nar ta xã Diên Thọ, Khánh Hòa, bôl dŭt chruh đah trong cao tốc Liên Khương – Prenn ta phường Xuân Hương, n’gor Lâm Đồng.

Trong dơi weh ƀư rnoh ngăch nchuăt 80–100km/h, hvi 4 mbor ndeh, lĕ rngôch tơm prăk ntuh kơl nklăp 25.000 rmen prăk. Nchrăp ntuh kơl ntơm bah năm 2024 tât 2025, nchrăp ntơm lăp ƀư lvang năm 2026–2028. Nău ƀư jêng trong cao tốc Nha Trang – Đà Lạt mô dơn tŏng geh trong rsong hăn, nchuăn rdeng ndơ nar lơn ma âk, ma hôm pơk luh ntŭk hun hao mhe an bar ntŭk rgum pâl nđaih têh bah neh dak đŏng, njêng suan ntrôl nâp dăng an lĕ ma nkual Nam Trung Bộ n’hanh Tây Nguyên